Seo Meaning in Hindi – Seo Kya Hota Hai [Seo Training]

What is SEO Meaning in Hindi

SEO meaning in hindi is Search Engine Optimization yani website ko search engine ke rules ke according design karna jisse search engine ko website ka content read karne me aasani ho aur search crawler asani se website ko index kar sake.

SEO in Hindi

Aaj internet marketing ek bada field ban chuka hai. Sabhi log internet par websites ke jariye koi bhi information hasil kar sakte hain. Lekin website ke owner ko search engine me apni website ko top list me lane ke liye SEO ka meaning samjhna bahut jaruri hai.

Bina SEO kiye koi bi website search engine me top list me nahi aa sakti. Aur jab website top rank par nahi hogi to aapko business nahi milega.

SEO Karna Kyu Jaruri Hai –

Dekhiye har seach engine jaise Google, Bing, Yahoo sabhi ke apne rules hote hain. Jo website search engine ke rule ke hisab se best hoti hai ye search engine usi website ko top par rank de dete hain.

Aur whi agar kisi website ko read karne me aur index karne me search engine ko dikkat hoti hai to wah use high rank nahi dete.

Yaha ham Google ki baat krenge jo world ka sabse bada search engine hai. Kuch log jo SEO ke bare me nahi jante wo website ko sahi se optimize nahi karte aur accha content bhi nahi dalte to aisi website ko Google apni Index se bahar bhi kar deta hai isliye aapko SEO ko samjhna jaruri hi hai.

Type of SEO in Hindi –

Vaise to internally SEO ko kai parts me banta ja sakta hai but mainly SEO 2 types ka hota hai –

1. ON Page Optimization
2. OFF Page Optimization

ON Page Optimization Kya Hai – On Page optimization me hame apni website ke code ko optimize krke website ka look user friendly banate hain, website ki speed fast karte hain, website navigation easy banate hain, website ka accha Title Meta bnate hain. Yani on page optimization me aapko website ke codes ko edit karna hai aur use Google ke rules ke according banana hai.

OFF Page Optimization Kya Hai – Off Page optimization me ham website ka promotion karte hain. Isme ham website ke link acche backlinks create karte hain. Social media par website ko popular banate hain. Aachi website par guest post submit karte hain. Yani alerady famous ho chuki websites par apna backlink banakar Google me apni rank improve krte hain.

Chaliye ab ham SEO ko thoda detail me janne ki koshish karte hain. Google ke 200 se jyada factors hote hain jo website in sabhi factors ko follow karti hai Google use hi top pe rank deta hai.

SEO Kaise Kare –

Ab aapko ON Page and OFF Page SEO ka matlab so samaj me aagaya hoga lekin abhi tak aapko ye samaj me nahi aaya hoga ki ye sab karna kaise hai. To chalo ham aapko step by step ON Page aur OFF Page SEO kaise karte hain iske bare me batate hain –

SEO ON Page Optimization Kaise Kare –

ON Page optimization ke kuch rules hain jinko follow krke hi aap website ka ON Page seo kar payenge.

1. Website Design – Aapki website ka design aisa hona chahiye ki ye user ko attrect kare. Kafi logo ki website ka look aur design itna khrab hota hai ki user us website par dobara ana pasand hi nahi karta and aisi website ko Google bhi pasand nahi karta. Isliye apni website ka design accha banaiye.

2. Esay Navigation – Easy navigation ka matlab hai aapki website ka navigation aisa ho ki user badi aasani se satik information tak pahuch sake yani sabkuch uljha hua na ho. Har type ki post ki alag category ho. Menu me sab category add ho taki user ko manchahi chize asani se mil jaye.

3. Website Speed – Jab koi user website open karta hai aur agar website bahut dhire load ho to user irritate ho jate hain aur website band kar dete hain. Google ko aisi website bilkul bhi pasand nahi hain. Google chahta hai ki aapki website teji se load ho yani aapki website speed fast hona behad jaruri hai.

4. Informative Title – Koi bhi user jab Google me kuch search karta hai to wah us website ko open karta hai jiska title sabse jyada attrective hota hai. Isliye aapko apni website ka title aisa banana hai ki user ko wo pasand aaye aur title ki lengh 70 charecter se jyada na ho.

5. Meta Description – Title ke baad user ki najar aapki website ke meta description par badhti hai. Meta description aisa ho ki user ko wha se satik information mile tab hi user aapki website par aayega. Achaa meta descrition wali website ko Google high rank deta hai.

6. Mobile Friendly Website – Aaj 90% user mobile ke jariye internet chalate hain. Aise me agar aapki website mobile friendly nahi hai to aapke user ko website pasand nahi aayegi. Isliye website ka responsive hona bahut jaruri hai.

7. Use Google Webmaster – Aapni website ko Google webmaster me jarur submit kijiye. Google webmaster Google ka ek aisa tool hai jaha website ke bare me full information hoti hai agar aapki website me kuch issue hai to Google isi tool me message bhi send karta hai. Is tool ki help se aap apni website ki full detail bhi dekh sakte hain ki aapki website ki performace kaisi hai.

Is tarah aap aapni website ko optimize krke ON Page SEO ko strong bana sakte ho. Ab baat karte hain OFF Page SEO ki.

OFF Page SEO Kaise Kare –

On Page SEO ki tarah Off page SEO ke bi kuch rules hain jinko follow karke aapko off page seo strong karna hai.

1. Strong Backlink – Aapko already popular ho chuki website par apni website ka backlink banana hai. Aapki website par jitne jyada acche backlink honge utni hi website ki rank high hogi.

2. SEO Friendly Content – SEO friendly content ka matlab hai ki aapki website ka content ekdam unique and original hona chahiye. Agar aap kisi website se content copy karke apni website par daal rhe hain to aapki website rank nahi kregi. Apka content informative bhi hona chahiye yani user ko us content me full information milni chahiye.

3. Social Profile – Social media aaj sabse jyada traffic generate karne ka source hai. Apko social media par apna profile bnana hai aur apne fan and followers ko badhana hai. Isse aapki website popular hone lagegi. Log apki website ke bare me janne lagenge. And jitna jyada aapki website share hogi utni hi Google me rank high hoti jati hai.

4. Blog Commenting – Jo website already kafi famous hain unke articles par comments krna bhi off page seo ka part hai. Isse aapko strong backlink milta hai aur aapki website par logo ki najar bhi padhti hai. Isiye famous site par comments jarur kare.

5. Content Length – Apne apni website par jo content dala hai uski lenght hi aapki website ki rank nirdharit karti hai. Chota content high rank nahi kar pata kyunki information kam hoti hai. Aapko har chiz ko detail me batana hai aur apni website par content jyada rkhna hai taki Google aapko high rank de sake.

6. Keyword Research – Keyword wah word hote hain jinko user Google me search karta hai means user ki search query ko hi keyword khte hain. To aapko sabse phle apni website ke liye keyword reseach karne hain ki aap kis keyword se apni website ko rank me lana chahte hain. Agar aapne sahi tarah se keyword use nahi kiye hain to me gauratee se kah sakta hu aapki website kabhi bhi high rank nahi kregi. Keyword research krke hi aap apna content likhiye.

7. Use Images – Aisa mana jata hai ki insaan padhne se jyada dekhne se sikhta hai. Images na sirf user ko attrect karti hain balki ye user ko content padhne ke liye inspire bhi karti hai. Jitni acchi aapki image hogi utna hi user aapke content ko dhyan se padhenge.

SEO Ka Sabse Bada Rule –

Yaha me aapko Google me High rank lane ka sabse bada formula batata hu jise agar aapne apply kiya to apki website 100% high rank kregi.

“Make website for user not for Google”

Yani apni website ko user ke liye jyada se jyada accha banaiye kyunki jis chiz ko user pasand karte hain Google bhi use hi pasand karta hai.

So friends yaha hamne SEO Meaning in Hindi and Full SEO ko Hindi me cover kiya hai. Hame ummid hai ki hindi language me likha yah SEO tutorial aapko jarur pasand aaygea. Agar aapke koi sawal hai to hamse comments krke puch sakte hain.

Leave a Reply

Your email address will not be published. Required fields are marked *

nine − four =